قارداش یاسوندا نظم جهان بَرهَم آغلیار
سُکّان عَرشه نَصب اولونان پرچم آغلیار
غم چَترینی آچوبدی فلک بو مکانیده
درد آغلیار بو حالووه قارداش غم آغلیار
اولمازسنون کیمی اوروج الده ئولن اَخا
آدون گلنده ، مَحرم و نامَحرم آغلیار
آخر وداعووین هَله ده داغی سینه ده
داغلار بو نسگیلونده سنه هردَم آغلیار
کرب و بلایه گلسه اگر قاره بیر دومان
گوز یاشیمه باخاندا اودا نُم نَم آغلیار
دور باخ رشیده زینبوون روزگارینه
ایندی اولوبدی گور نجه قَدّی خَم آغلیار
کرب وبلاده قالماقا یوخ قسمتیم اخا
داغ داش اولار بو یولدا منه هَمدم آغلیار
قوی تاپشوروم بو پیکری صبحون نَسیمینه
عطرون یایلسا گُلشن اَرا شبنم آغلیار
قاره یل اَسدی توز بورودی گُل جنازووی
باغلانمیان یارالارووا مَرهم آغلیار
لیلایلن رباب یانان خیمه گاهیده
اوغلی ئولنلرون سنیچون باهم آغلیار
(نادر)یازاندا خون دلیله بو نوحه نی
گوردی که اَلده خامه دوتوب ماتم آغلیار
- یکشنبه
- 21
- دی
- 1399
- ساعت
- 11:23
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه