قلبیم یانار فَراقووه شام و سحر آقا
گونلَر ائوینده آغلیارام گون کِیچَر آقا
آدون گلنده رایحه ی جان گَلور منه
سن سیز بوبختی قاره کَنیزون ئولَرآقا
وَالله اوشاق بَهانه دی من یاسلیام سنه
خسته مسافرم که واریمدور سفر آقا
قوریان دوداقووَه اولا قربان ایکی بالام
پیک اَجل هایاندادی جانیم گودَر آقا
مَخیمدن آیریلاندا منه باخدون آغلادون
ائتدون همان باخیشلا منی خونجگرآقا
سن گئتدون اوندا ساحَت حَقدَن من ایستدیم
بیرده باخا بو مُستحقَه مُختصر آقا
دوردوم یول اوسته تا باخیشون قسمتیم اولا
شاید دئدیم خیامه دوباره گلر آقا
سن گلمدون یخیلدی ائویم گئتدی عِزّتیم
گوردوم جِداده چوللَری باشون گَزر آقا
بیر گون زمانه بزم یزیده چکوب بیزی
گلدی همان اومجلسه بیر طشت زَر آقا
گوردوم آچیلدی طشتیده اول قانلو گوزلرون
باخدون کسیک باشیلا منه دیده تَر آقا
دشمن ائوینده بیربیره بیز باخدوق آغلادوق
بیلدون گلوبدی باشیمه اوندا نَلر آقا
عَجّل وفاتی ایندی اولوب دیلده اَزبریم
چوخ سوز گَلینده قینانادان ئورگنَر آقا
(نادر) یازاندا بو سوزی شیونله آغلادی
ایلوب زبانحالیم اونا چوخ اثَر آقا
- یکشنبه
- 21
- دی
- 1399
- ساعت
- 11:31
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه