شَهسوار مُلک مَعنا عشقه مین مَعنا حسین
شاهکارِ بی بدیلِ رَبّیَ الاَعلا حسین
کائناتون گردشینده نقطهء ابدا حسین
عالم ایجادَه زینت هَر نَدن زیبا حسین
سِرّ تَکوِینه ئوزی اَسرار مافیها حسین
لوحِ مَحفوظَه بو جوهَر جوهَرین مِعیاریدور
جلوهء حَق یرده دور گویلَر اونون زَوّاریدور
تَرپَه دَن گهواره سین جِبریلِ خوش پنداریدور
جانِ جاناندور که جانِ احمد مختاریدور
قَطره دور من یازدیقیم سوزلَر ولی دریا حسین
کیمدی بو ایجاد اولوب بَحرَین یَلتَقیانیدَن
آدمی بابَ النَجاتَه چکدی اول بُحرانیدن
نوحِی آزاد ایلیندور وَرطهء طوفانیدن
رَمز اِعجازی سوروشسون موسیِ عمرانیدن
فاش ائدر بیر کلمه دور رَمز یَد بِیضا حسین
گوستروب ابراهیمه گُلشن شَرار ناریدن
چکدی عیسانی سَماواته صَلیب داریدن
یونسی بَطنِ سَمَکده قورتاروب آزاریدن
سَسلین مَطلب آلار بو رحمت سَرشاریدن
مُشگله دوشسَه دِیَر هَرپیر وهَر بُرنا حسین
بزم یاسینده تَجَلّی ایلِیور راز و نیاز
تُربَت مَعطوری اولمیش بیزلره مُهر نماز
فُطرُسَه یوم ولادت بَذل ائدوبدورامتیاز
اول یانان شَهپرلَره گهواره ده باخدی بیرآز
اوچماقا شَهپر وئروبدور فُطرُسه مولا حسین
یا حسین بن علی رحمت یایوبسان عالمه
گور نِجه آدون بَها وِئردی بو قارَه پرچمه
کیم ئوپَر بو پرچمی گویا چاتار تازه دَمَه
یاره لی شخصون نِجه وار احتیاجی مَرهَمَه
احتیاجیله سیخیلمیش سایووَه دنیا حسین
عالم امکان حسینجان بیر سنه وابسته دور
نار دوزخدَن بِله سوز وار مُحِبّون رَسته دور
عشقیدن فرهادو هم قِیسیلَه وامَق خسته دور
کیم سنه عاشقدی مولا عشقیده سَردسته دور
عاشقوندی ذات یکتا ، عاشق یکتا حسین
بذل ائدوبسن عالم اِنسه نجه گور آبرو
قانلی سَجّادیله ائتدون اهل عَرشی روبرو
تا نماز آخر ائتسون کائناتی مُشک بو
اِقتدا ائتدی مَلکلَر شاهد اولدی ذاتِ هو
اول نمازون ایلیوبدور مَحشری بَرپا حسین
- یکشنبه
- 21
- دی
- 1399
- ساعت
- 11:37
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه