منه دنیاده دایاقیدی آتام
ائویمه ایستی اُجاقیدی آتام
خیروشریمده قاباقدا دایانان
یان یانا منله اَیاقیدی آتام
باعث فخر و مباهاتیمیدی
ائللریم ایچره تفاقیدی آتام
ظلمتِ عالم خاکیده یقین
یولومون اوسته چراقیدی آتام
اجل افسوس آپاردی گُلومی
بیلمدیم ائوده قوناقیدی آتام
یرینی بوش گورورم آغلیورام
گلشن عمریمه طاقیدی آتام
آتانون شانینه (نادر) بِله یاز
اَرین شَمعَه سیاقیدی آتام
- یکشنبه
- 21
- دی
- 1399
- ساعت
- 22:43
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه