وسعت قلبيم غميله قاندي گل
دنيا داخي مؤمنه زنداندي گل
شيشه عمريم چالينور داشلارا
باغ دليم خشك و بياباندي گل
دكتر قلبيمده ديوبدور فقط
روي مهون درديمه درماندي گل
مونس اولوب ملّته دنيا مالي
هجره دوشن دهريده قرآندي گل
دشمن دين دنيادا طغيان ايدور
شيعه ده درمانده ي دوراندي گل
درديمين هانسين سنه فاش ايليوم
ديل دولوسي غصّه وحِرماندي گل
جمله دگوب بيربيره دنياي عشق
شاعريله شعري پريشاندي گل
قِيس داخي عاشق ليلا دگول
ليليه ده اجنبي جاناندي گل
يوخ داخي فرهاديله شيرين سوزي
كوه كني شغل شغالاندي گل
هر شب جمعه ديوري (آذرين)
غمدن ئورك خانه سي القاندي گل
- سه شنبه
- 23
- دی
- 1399
- ساعت
- 16:37
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه