عمرينين يازي ؛ خزانيله عجب سولدي شهيد
سولدي امّا ؛ نفاقـيـن ريشه سيني يولدي شهيد
چوخلارين دفتر و طوماري ايـتـوب زنـدگيده
قــوي ديــوم معــركۀ زنــدگـيـده نــولدي شهيد
اوّلـيـن قـطـرۀ قـانــي كـه يئـره زيــوراولـوب
گناهي زايــل اولوب ؛ طاهروپاك اولدي شهيد
ئـولـميـوب ئـولمـيـه جك ؛ آيۀ قرآن بويوروب
زنـده دور؛ جامي بهشتي مي ايله دولدي شهيد
ايسته سون درك ايده سن حقـّيله باطل يـولوني
باطلي مـحو ايليين ؛ حقـّه چاتـان يولدي شهيد
ديــن اسـلامـه عـمـود اولسا نـمـاز؛ايـلمه شك
پـيـكـرديـنـه ايكي بـنـيـه قـوي قــولـــدي شهيد
اؤجـيـنـا آلـدي جـانـيـن قــلــۀ قــافــــه يـتيشه
قسـم اللـّهـه نه ايـسـتــيـردي اولا؛اولدي شهيد
ديــمه بــازار شـهادت كساد اولموش بوزمان
عشــق وايـثاريله بازاري گـيـنـه بولدي شهيد
شـمـع مـحـفـل دي بـيـزه جـمـلـه شهيدان خدا
كــاش بـو شـمـع اودنـيـاده بـيـزه شــافع اولا
شهيدين نــوري روشـن ايلدي ظلـمات دنياني
شهيدين عشقي جاويدان دي اولمازمطلقاً فاني
شهيد اوج شهـامـتـده عـروج ايـتـدي سماواته
كوچوب دنيا ومافـيها باشـينـدان اولدي رباني
قيزيل قاني يره آخدي يره عزّت ويروب گيتدي
ويـرر آزاده انـسـانـلارادامـه بـيـلـه جـرياني
حسين بن عليدن مشق آلوب آزاده عاشـقدي
گيچرعاشق جانيندان آتمازامّا عهد وپـيماني
گوريردون سن مگرجانا بدون پرده جانانی
وصال ياريچون آتدون باشوندان كون وامكاني
بو يولدا سن نه گورموشدون چاپيردون توسن عشقي
گوريردون اولميا واضح بهشت حق سبحاني
شهادت واژه سين دن سن نه گوردون باغروا باسدون
ننه آغـوشيـنه آلـمـوش ايـله بيل طفل زيباني
سنون خوي و خصالوندن چتين دور(آذرين) يازسون
نئجه توصيف ايدرآيا بوطبعي قطره؛درياني
- چهارشنبه
- 24
- دی
- 1399
- ساعت
- 10:4
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه