ياندي تن و جانيم ستم زهر جفايه
اودلاندي وجوديم گلورم آه و نوايه
تاثير ايليوب پيكريمه زهر عداوت
خوشدور گله صادق بالا بو غمده عزايه
مقصوده يتيرديبدي فلك ظالم هشامي
ايلوبدي روا ظلميني تمثال خدايه
بو درديمون الله بيلورم يوخدي دواسي
آخر نفسيمده باخورام كرب و بلايه
بير بير دوشوري ياديمه يوم غم و محنت
گويلوم قوشي پرواز ايليور دشت بلايه
اوچ گون عطشين نارينه اودلاندي اوشاقلار
افغاني چيخوب تشنه لرين اوج سمايه
چوخ چوخ عطش اما ايليوب اصغره تاثير
تار ايلدي روشن گوني اول ماه لقايه
جديم آپاروب اصغره سو آلسين عدودن
لشكرله مقابل دايانوب گلدي صدايه
اي لشكردون منله سيزون واردي جدالوز
بيرجرعه سو اولسا ويره سوز تشنه بالايه
ماهي كيمي عطشاندي ايدور گورنه تلظي
ال قوزيوب اخيمده رباب حمد و ثنايه
اما قويوب آغزيندا سوزين حرمله دون
رحم ايتميوب اصلا خلف شيرخدايه
بير تير سه پر قويدي كمانه او مزورّ
بير ايش گوروب آتش دوشوب اركان هدايه
اوخ چله دن آيريلدي غرض مقصده چاتدي
تيكدي بالا نين حنجريني دست آتايه
آخدي بالانون گوزلري شاهين ديزي اسدي
طوفان سالوب القصه بو غم خيمه سرايه
وار ديلده اگر(آذرين) عشق علي اصغر
صدقيله مجالسده دخيل اول بو آقايه
- چهارشنبه
- 24
- دی
- 1399
- ساعت
- 18:46
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه