گلوبدی شعبان آیی دیللر اولدی نورانی
صفا و عشق و محبت دوتوبدی دنیانی
چمنده بلبل اوخور سنبله گلور هیجان
دوتوبدی باغ و گلستانی عشق ربانی
صفالی غنچه لر آچمیش گویه لبین انگار
ایدولّه حمد و ستایش خدای سبحانی
ویرولّه بیر بیره مژده چکاوک و قمری
که ویردی شیعیه الله لبان خندانی
گلوبدی سوم شعبان جهانه ثارالله
منورایلیوب آی تک جمالی شعبانی
علی و فاطمه شکر ایلیولّه معبوده
اوپولّه شوقیله لعل لب بدخشانی
اولوبدی چارم شعبان گل وفا گلدی
ویروب حق ام بنینه او ماه تابانی
آچوبدی دهره گوزون شیرمه لقا عباس
شاد ایتدی هامیدان آرتیخ شه شهیدانی
اولوبدی پنجم شعبان گلوبدی زین العباد
قرین لطف ایلیوب حق حسین سلطانی
گلوبدی زینت عباد و زیور ایمان
ایدوبدی قدریده ارزنده دین و قرآنی
اولاندا اون بیرشعبان گلوب علی اکبر
سویندیروبدی گوزل گوزلریله لیلانی
شبیه ختم رسل قامتی اوجا شمشاد
زیارت ایلیه گلمیش هامی او جانانی
اولوبدی نیمه شعبان گوز آچدی حجت حق
جمال ماهی خجل ایتدی بدر شعبانی
امام عسکرینون قلبینی گل نرگس
بسان گلشن ایدوب عشق و معرفت کانی
خلاصه "نورُعلی نور" اولوب مه شعبان
بو گللرین قدمی شاد ایدوب دل و جانی
نه دردون اولسا دینن( آذرین) خلوصیلن
ویرلّه لطفیلن البته درده درمانی
- جمعه
- 26
- دی
- 1399
- ساعت
- 18:13
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه