اورک باشیندا یاز قلم جلالت خدیجه نی
وقار وشان وشوکت وشرافت خدیجه نی
گرامی وشریفیدی تبار و ایل و طایفاسی
مقدر ایلیوب خدا سیادت خدیجه نی
ویروبله طاهره لقب او بانوی مکرمه
جهالت عصری بیرگورون نجابت خدیجه نی
تجارتینده ده زبس امین و پاکدستیدی
زبانزد ایتدی مردوزن صداقت خدیجه نی
ایدوردی چوخلار آرزو که همسر اختیار ایده
چتیندی هامی کسب ایده لیاقت خدیجه نی
تجارتینده همسفر ایدوب یتیم مکه نی
محمد ایتدی پربها تجارت خدیجه نی
گوروبدی احمدین خانم جلال و شان و شوکتین
گتوردی مصطفی اله رضایت خدیجه نی
غرض شریک زندگی اولوب رسول امجده
عجب ضمانت ایتدی حق سعادت خدیجه نی
تمام ثروتین توکوب محمدین ایاقینه
فراموش ایلمز زمان عنایت خدیجه نی
ویروبدی دین و مکتبه خدیجه ثروتی نجات
لوای مسلمین گوروب حمایت خدیجه نی
بو اولین خانم دی کی گلوبدی دین اسلاما
خدا اوزی قبول ایدوب دیانت خدیجه نی
اولوبدی یار و یاور نبی چتین زمانیده
گوروب قریش اوبرهه ده شهامت خدیجه نی
محاصره ده نچه ایل قالوبدی شعب ده ملول
مریض اولوب آپاردی غصه طاقت خدیجه نی
فشار و رنج وفوج غم آلوبدی صبر و طاقتین
الیندن آلدی صحت وسلامت خدیجه نی
صیام ماهینین اونین اوچ ایل قالاندا هجرته
قلم یازوب وفات چون شهادت خدیجه نی
بوغمده فاطمه یانوب اورگ غمیله داغلیوب
فلک سالوبدی محنته امانت خدیجه نی
گلوبدی بیر کفن اوگون بهشتیدن تبرکا
بوکوب عباسینه نبی چو قامت خدیجه نی
دوباره بوکدی مصطفی اونی بهشتی تحفیه
ایکی کفنله دفن ایدوبدی قامت خدیجه نی
پیمبرین گیدوب بوگون انیس و یار ویاوری
قویوبدی قبره قدچون قیامت خدیجه نی
بوغمده(آذرین) گرک جوان و پیر آغلاسین
اورکدن ایسته سه اگرشفاعت خدیجه نی
- جمعه
- 26
- دی
- 1399
- ساعت
- 18:36
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه