اذن جنگ آلماقا گلدی آتانون محضرینه
سویله دی عرض سلامیله ادب سرورینه
دیدی گلدیم بابا تااخذ ایلیم اذن جهاد
خوش اولار شاه ویره رخصت اول اکبرینه
فخرایدر اکبر اولا نهضتوه تشنه شهید
نقدجان بذل ایلیه دین حق داورینه
بسلیوبدی بیله گوندن ساری نازیله آنام
مایه فخراولاجاخ لطف ایلسون مادرینه
اورگیم تاب ایلمز قاندا گورم قاسمی من
تازه داماد ياخا قاندان حنا اللرینه
دوزمرم ساقی لب تشنه نی علقمده گورم
قول قلم مشکی پارا اوخ توخانا گوزلرینه
دوزمرم قارداشیم اصغرقان ایچه سو یرینه
اوچ پراوخ حرمله ویرسون بالاجا حنجرینه
الغرض چوخدا درنگ ایلمه دی خسرودین
رخصت جنگی ویروب ختم رسل بنذرینه
بالانی اوپدی یولا سالدی دولوب قلبینه قان
باخدی بیر گوزدولوسی ماه ملک منظرینه
بدرقه ایتدی اونی تله کیمین زار و ملول
حالت یاسیله باخدی او گل احمرینه
اکبریم گیت سنی تاپشوردوم حق اکبریمه
یازدی اولده حسین اکبرآدین دفترینه
ال دوتوب درگه خلاقه حسین ایتدی خطاب
ای ویرن خاتمه قانلی اورگین غملرینه
شاهد اول جنگه گیدن اوغلوم علی اکبردی
اشبه الناسیدی بو خاتم پیغمبرینه
اول اوغلومدان ال اوزدوم بو بلا دشتینده
فرق قویماز بوحسین اکبریله نوکرینه
گلدی میدانه علی جنگ نمایان ایلدی
نچه سین توش ایلدی کوفه لیدن خنجرینه
عاقبت سوز عطش اکبری بی تاب ایلدی
طاقتی گیتدی گلوب بیرده حسین محضرینه
عرض قیلدی باباجان سوزعطشدن یانورام
ایله بیرجرعه سو احسان بالاوین لبلرینه
ایتدی فرمایش اوغول منده سنون تک سوسوزام
خیمه ده یوخدی سوویرسین ننه سی اصغرینه
ولی انگشتر عشقیله سوارام سنی من
گیت قوناق فاطمیه لم یزلین کوثرینه
قییدوب بیرده علی محشر کبری ایلدی
جمع اولوب کوفه نین ارذللری دور و برینه
چوخ عزیزاولسا بیری گوز دگر آهوگوزینه
شامیان تارایلدی گوندوزینی گوزلرینه
ویردی بیر یاره اودم منقذ ملعون باشینا
سسی اخیامیده چاتدی ایله بیل مادرینه
پارچالاندی باشی عمامه سی قانه بلشوب
واریری اوخشیا لیلی اوگل پرپرینه
سسلدی جان بالا قربان اولا لیلا گوزوه
توش اولوبسان علی جان ظلم و جفاخنجرینه
حیدری یاروه لیلی اولا قربان گوزلیم
خوشدی زهرا دیه لایلای بوجوان حیدرینه
(آذرین) عشق علی اکبریله ایله صفا
دیل گرک فخرایلیه آهوباخیش دلبرینه
- دوشنبه
- 29
- دی
- 1399
- ساعت
- 15:27
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه