ای یار اینان سن کیمی گل پیرهن اولماز
سن تک گوزلیم دلبر غنچه دهن اولماز
سایونده گزیب لذت جناتی آپاررام
کویون کیمی هیچ گلشن و باغ و چمن اولماز
شمشیر دوبردی ایله بیل قاشداکمانون
ابرولرون تیغی کیمین صف شکن اولماز
صحبت ایلینده توکولور بال دوداقوندان
مین "شیرین" اولا سن کیمی شیرین سخن اولماز
مژگان سیاهون آپارور عقلیمی باشدان
قاره گیلووه اوخشار عقیق یمن اولماز
ای یارسفرکرده گیدنلر هامی گلدی
تزگل سفرعشقه سنون تک گیدن اولماز
هجرونده بیابانلاری دیوانه دولانام
من تک بیری آواره دشت و دمن اولماز
یوخ منده او طاقت کی دوزم داغ فراقه
هر منتظر البته اویس قرن اولماز
بسدور داخی هجرونده اورک قانه دونوبدی
هجران غمی تک بیرده یانقلی محن اولماز
ماه رخوی گورسه قمر گیزلنجکدی
چیخسون آقا قرص قمری دای گورن اولماز
چوخ غمده اولوب (آذرین) البته احاطه
هجرون اوخی تک قلبیمی اما دلن اولماز
- دوشنبه
- 29
- دی
- 1399
- ساعت
- 16:5
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه