کوفه شهرینده بوگون محراب ومنبرقان اولوب
ابن ملجم ضربتیندن فرق حیدر قان اولوب
صبح اولوب گلدی علی شیردلاور مسجده
توکدیلر گویدن کانه عود وعنبرمسجده
سالدی تکبیر علی بیرشوردیگرمسجده
سوز صوتیندن علینون قلب کوثرقان اولوب
قبلیه دوردی علی عالم دونوبدی محشره
گوییا گویدن تمام قدسیان گلدی یره
اقتدا ایتدی کانه کون و امکان حیدره
تاریخون بوصفحه سیندن کل دفترقان اولوب
تانمازی باشلادی تکبیریلن میرحنین
عالم لاهوتیده بالمره دوشدی شور و شین
عالمی مبهوت ایدوبدی هیبت نوردوعین
ورد و ذکرقدسیان الله واکبرقان اولوب
رکعت اول تمام اولدی قیامیلن قعود
رکعت دوم رکوعی قورتاریب اولدی سجود
باشینه بیرضربه ویردی دشمن پست و عنود
جنت ایچره قلب محزون پیمبرقان اولوب
قانینه غلطان اولوب محرابیده میرهدا
بیربیره دگدی مقیم ارض و ارکان سما
سسلدی فزت ورب الکعبه شاه لافتی
بو جنایتدن کانه عرش داور قان اولوب
سسلدی گویده منادی حیدری اولدوردیلر
جانشین برحق پیغمبری اولدوردیلر
یار ودلدار بتول اطهری اولدوردیلر
گلدی جبریل امین محرابه شهپر قان اولوب
بیرگلیم اوسته علی حمل اولدی سمت منزله
محمل عدل و عدالت گوییا باتدی گله
وای اگر پیشوازینه باباسینون زینب گله
نیلییر گورسه تماما راس و پیکر قان اولوب
- دوشنبه
- 29
- دی
- 1399
- ساعت
- 23:20
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه