اورگ آغلور گینه ده دفتره ماتم توکولور
هشتم ماه ربیع سینه لره غم توکولور
حسن عسکرینون ماتمی یاندیردی بیزی
بویانان دیللره گوزیاشیدی مرحم توکولور
شیعه نون فصل بهارینده سولوب حجت حق
باغ و گلشن آرا بیرمحنت اعظم توکولور
برّ و بحری دولانور بیرآقا باشینده قرا
آتانین هجرینه گوزیاشی دمادم توکولور
خاطریندن سویوشورمعتمدین ظلمی مدام
آقانون گوزیاشی چون چشمه زمزم توکولور
اثر زهریله بیرحاله دوشوبدور آتاسی
ایله بیل شمع یانور بستره نم نم توکولور
ظلم اعدا آقانون گوندوزینی شام ایلدی
یاده سالجاخ باشینا غصه عالم توکولور
حیف اولا حضرته جود و کرمین گورمدیلر
اتگین سیلکلینده نچه حاتم توکولور
هرباخان وقرینه اوحضرتین اذعان ایلدی
گوزلریندن آقانون هیبت خاتم توکولور
آخرین دمده مجسم ایلدی دشت غمی
بالاخص خاطرینه قصه علقم توکولور
بیراوجا سروین اولوب خولاری تندن آرالی
یره قاندی سودی قولدی اوجاپرچم توکولور
بیرعمودیله یوزی اوسته دوشوب قولسوز آقا
باشینه شور ودم ماه محرم توکولور
سسلور ای اهل حرم گوزلمیون سو یولینی
باشوزه گَرد اسارتدی کی کم کم توکولور
اولماساقولاری سرلشکرین ای اهل ولا
خیمیه دشمن خونخوار مسلّم توکولور
(آذرین) ماتم عظمای حسن عسکریده
اورگ آغلور گینه ده دفتره ماتم توکولور
- سه شنبه
- 30
- دی
- 1399
- ساعت
- 22:37
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه