انیس و یار پیغمبر خدیجه
اولان محبوبه داور خدیجه
ندیم زمزم و کوثر خدیجه
علی همرازینه مادر خدیجه
سن ام المسلمین سن ام دین سن
فقط سن سن کی ام المومنین سن
سنیدون دین اسلامه مددکار
سنیدون حضرت پیغمبره یار
سنیدون اسوه ایمان و ایثار
سنیدون حضرت زهرایه دلدار
ندیم و یار قرآن مبین سن
فقط سنسن کی ام المومنین سن
سنون تک رتبه بیرکس کسب ایدنمز
اورک باشینده احمد نصب ایدنمز
بیری القابووی برچسب ایدنمز
سنون القابون عایشه غصب ایدنمز
سن ام دین و قرآن مبین سن
فقط سن سن کی ام المومنین سن
سنیدون هرایکی دنیایه مادر
سنیدون مکتب طاهایه مادر
سنیدون عصمت کبرایه مادر
سنیدون حضرت زهرایه مادر
رسول اللهه هریرده معین سن
فقط سن سن کی ام المومنین سن
سن عشق ومعرفتده سرزبان سان
کانه پیکراسلامه جان سان
رسول اللهه عشق جاودان سان
فداکاریده الگوی زنان سان
زنان مومن ایچره اولین سن
فقط سن سن کی ام المومنین سن
جمع اولموش سنده صبری امهاتون
تبلور ایتدی زهراده صفاتون
بتوله تسلیت روز وفاتون
سراپا محنت اولموشدی حیاتون
دولوبسان بوزمان آخرین سن
فقط سن سن کی ام المومنین سن
ندن آخرگونی چوخ آغلیوردون؟
شرار غصه دن دل داغلیوردون
سرشکون صورته سن باغلیوردون
قیزون زهرایه سن یاس ساخلیوردون؟
یوزونده نه گوروبسن چوخ حزین سن
فقط سن سن کی ام المومنین سن
قیزوون محنتی چوخ چوخ آغیردی
بلا تیری اونا هر دم یاغیردی
قانین مسمار در عرشه ساغیردی
سنی اوندا قیزون داده چاغیردی
دیدی گل داده زهرایه معین سن
فقط سن سن کی ام المومنین سن
در ودیوار آرا طوفاندی تزگل
شرار غمده زهرایاندی تزگل
اوزوم یاندیم قاپیم اودلاندی تزگل
بالام محسن قاناغلطاندی تزگل
بهشت ایچره ننه جان دلغمین سن
فقط سن سن کی ام المومنین سن
- چهارشنبه
- 1
- بهمن
- 1399
- ساعت
- 11:34
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه