رمضان نیمه اولوب خسرو خوبان گلدی
آچدی دنیایه گوزون معدن احسان گلدی
گون خجل اولدی گوروب نور رخین بو آقانون
دیدی کیمدی بوکی مندن ده درخشان گلدی
کیمدی بو زاده زهرادی گوزل آدی حسن
عالمین جیسمینه گویا بوگجه جان گلدی
پسر ارشد حیدردی بتولین گوزلی
دردمندانه دیون دردوزه درمان گلدی
بوگلن کیمدی گوزل آدی حسن پورعلی
مظهر جود وسخا معنی ایمان گلدی
بوگلن کیمدی خانم فاطمیه ارشد اوغول
کوثرین آیه سیدی مظهر یزدان گلدی
بوگلن کیمدی سخاپیشه کریم بن کریم
حاتمه درس سخاوت ویرن انسان گلدی
بوگلن کیمدی حسین قارداشی دریای کرم
همدل و همنفس شاه شهیدان گلدی
صلحی آغازگر غائله ی کرببلا
سند معتبر سیلی عدوان گلدی
(آذرین) عشق حسن ایتمیش حسینچی هامونی
کربلا غملرینه حجت و برهان گلدی
- چهارشنبه
- 1
- بهمن
- 1399
- ساعت
- 11:37
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه