قبر زینبدن اوتور گرچه توتوب غم سینمی
زینبون گنبدینه نصب اولوب عباس علمی
تا کسه قـانلی علـم ریشـۀ ظلم و ستمی
او علم حشره کیمین گنبد زینبده اَسر
هـر اَسنده او علـم ریشۀ ظـلامی کسر
سانما عبـاس علمی دائمی ساکت دوراجاخ
دشمنون حیثیتین بیر گون اِله سیندیراجاخ
اونـدا وهابیلـره سیلـی محکـم وئراجاخ
محـو اولا تـا کی او وهـابیتین انجمنی
وئرار آخر آقامیـز دشمنه بیر تو دهنی
او امان نامه جیران سینه ظلمی جیراجاخ
دشمنین چونکی ستون فقراتین قیراجاخ
صورا وهـابیلـرین پرچمینی یاندیراجاخ
دییجاخ دینیله قـرآنی ساتانلار هانی بَس ؟
باجیمون قبرینه خُمپـاره آتانلار هانی بَس ؟
هانی خُمپـاره آتـانلار نیـه بس یوخدی سَسی ؟
نـه خیـال اِیلمـوسـوز ای طُلَقـا سلسله سی
اولما فکر ایلیوسوز کی باجیمون یوخدی کسی ؟
من کیمین قارداشی وار ؛ باد اَجل تک اَسرم
باجیمون قبرینه کیم چپ باخا نَسلین کسرم
بئله فکر ایلمیـون سـوز اله بوردا قالاجاخ
هَله منن صورا مهدی ده گلوب قان آلاجاخ
تک به تک جانلاروزا هِیبتی لرزه سالاجاخ
یکسره چـونکی هامـوز سُلطـۀ شیطانیده سیز
وای سیزون حالوزه چون خواب زمستانیده سیز
مهدیمیز چون آچاجاخدور علم وَحدتینی
ارث آپارمیش عموسونان شرف و غیرتینی
سـازمـان ملل َ گـورسَـدجک قـدرتینی
تک نـه ایـران اروپـاده اونا لبیک دییر
قورخـوسونان اُوبـامـاده اونا لبیک دییر
- پنج شنبه
- 2
- بهمن
- 1399
- ساعت
- 22:20
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه