• جمعه 10 فروردین 03

 رامین محمد زاده

میلاد امام سجاد(ع) -(بو گـون گویـدن یره الـدوز اَلنـدی)

506

بو گـون گویـدن یئـره الـدوز اَلنـدی    
بو گون عشق عـالمی چـون تازه لندی
بو گـون بیـداد ایچـون فریـاد  گلدی    
ابـوالفضلـدن  صـورا  سجـاد  گلـدی
شـرافت قطـره سی دریـا  اولـوبـدی    
حسیـن ابـن علـی  بـابـا  اولـوبـدی
امامـت  دودمـانـی  اولـدی  رضـوان    
بـو مـولـودِ عـزیـزه شیعـه قـربـان
گلـوب اَلطـاف حـق بوگـون وجـوده    
دوشـوبـدور شـاه مظلـومان  سجوده
آلوبـدور مـه لقـا اوغلـون قـوجـاقه    
وئروبدی بوسـه شیـرین دیـل دوداقه
بو طفلیلـه حسیـن چـاتـدی مـرامه    
قـولاقینـه    اذان    ائـدی     اقـامـه
دئـدی جدیـم کیمـی نـور  جلیـدور    
بـابـام  حیـدر  کیمـی آدی  علیـدور
علی قویدی آدیـن اُول شـاه محشـر    
علی آدین حسین چونکی چوخ  ایستر
علی قویدی آدین تا دیـن دیریلسین    
کتـاب و مکتـب و آییـن  دیریلسیـن
علی قوبدی آدیـن دین زنده  قالسین    
شـریعـت حشـره جن پاینده قالسین
علی قویدی آدیـن  اسلام  اوجالسین    
علـی نـامـان دنیـا تـا   چوخـالسین
علی قویدی آدین غم  باغی سولسون    
علـی  دشمنللـری تـا کـور اولسـون
اگر خامـه آدیـن   نسگیلـی یـازدی     
بئلـه  فکـر  ایلمـه  مشتـاقـی آزدی
اثـر ایلـر  اورکـده  عشـقِ  پـاکـی    
ابوالفضـل تـک اونون چوخدور هَلاکی
اگر چه سینـه  سینده  آهی چوخدی    
علیـدور آدی خاطـرخواهـی چوخدور
علـی  آدلـی علینـون  نـور عینـی     
حسیـن  ابـن  علینـون  نـور  عینـی
مقـام و عـزتـی شـانلیـدی  بـه به     
آنـاسـی چـونـکی ایرانلیـدی بـه به
قلـم یـاز کی گلـوب یاخشـی بهانه     
چـاتـور  بیـر  نسبتـی   ایـرانیـانـه
اودور  کـی   مفخـر   ایـرانیـانـدی    
امـام   عـرشیـان   و   فـرشیـانـدی

  • جمعه
  • 3
  • بهمن
  • 1399
  • ساعت
  • 19:30
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران