ای منیم غم گونی غمخواریم اویان
یاتما سرداریم اویان
آچ گوزون یاتما علمداریم اویان
یاتما سرداریم اویان
« ابوالفضلیم اویان قارداش»
کیم قرانیخ الدی گوندوزوی –
ده حسینه سوزوی
قان ایچینده بئله یورما اوزوی –
ده حسینه سوزوی
دشمنیم هی گولوشور آچ گوزوی –
ده حسینه سوزوی
لشکریم گئدی سپه داریم اویان
یاتما سرداریم اویان
اوت توتوب غمللروه یاندی دیلییم –
قوی بو القانی سیلییم
نه سوزون واردی دئنن منده بیلییم –
قوی بو القانی سیلییم
یالقوزام آچ گوزوی سیندی بئلییم –
قوی بو القانی سیلییم
منی آغلاتما علمداریم اویان –
یاتما سرداریم اویان
خار ائدر حق سنه ظلم ایلییه نی –
یاندیریب فاطمه نی
هر گلن داش گوتوروب وئردی سنی
یاندیریب فاطمه نی
باشیون یاره سی یاندیردی منی –
یاندیریب فاطمه نی
یالقوزام عرصه ده ای یاریم اویان –
یاتما سرداریم اویان
آی کیمی بیله سوزوب باتما اخا –
ال چالانلاردا باخا
قان ایچینده گوزون آچ یاتما اخا –
ال چالانلاردا باخا
دور حسینی بئله آغلاتما اخا –
ال چالانلاردا باخا
آغلاشور بی کس اوشاخلاریم اویان –
یاتما سرداریم اویان
باشیوی درد وغمه سالما اخا –
صبریمی آلما اخا
قدیوی صاف اله سوستالما اخا –
صبریمی آلما اخا
قان ایچینده ال ایاق چالما اخا –
صبریمی آلما اخا
دور گئدک گوزلوری قیزلاریم اویان –
یاتما سرداریم اویان
دردیوی قانلی گوزونن بولورم –
دور منه چاره اله
تیر محنتله بو قلبی بولورم –
دور منه چاره اله
گوزلرونن ایراق اولسون ئولورم –
دور منه چاره اله
یاتما دور حیدر کراریم اویان –
یاتما سرداریم اویان
دوزدی اوخ مشکیوی دلدی یارالی –
دوشدون ائلدن آرالی
طالعون گور نه گوزلدی یارالی –
دوشدون ائلدن آرالی
فاطمه دادیوه گلدی یارالی –
دوشدون ائلدن آرالی
باخ جری اولدیلار کفاریم اویان –
یاتما سرداریم اویان
سنه چاره یولونی باغلادیلار –
سینمی داغلادیلار
ظلمیله ساغ گوزوی اوخلادیلار –
سینمی داغلادیلار
آسمان اهلی سنه آغلادیلار –
سینمی داغلادیلار
گولدی اما سنه اشراریم اویان –
یاتما سرداریم اویان
آندولا اکبریمون پاک قانینا –
اوویمی یخدی قوشون
آندولا زینبیمون احوالینا –
اویمی یخدی قوشون
سنده گئدون وای حسینون حالینا –
اویمی یخدی قوشون
یالقیزام عرصده دلداریم اویان –
یاتما سرداریم اویان
وار یری تیر محن قلبی دله –
یتیشه مطلب اله
تا تخلص یازیلا سوز دوزله –
یتیشه مطلب اله
شعریده نام« پریشاندا» گله –
یتیشه مطلب اله
بو سوزی یاز گینه غمخواریم اویان
یاتما سرداریم اویان
- دوشنبه
- 6
- بهمن
- 1399
- ساعت
- 22:43
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه