مولا سیخلمشام نچه ئیلدی پناهووَه
ایله نظر بو نوحه گر روسیاهووَه
هرگون ایویمده شام عزاساخلارام سنه
من سائلم سنون نَفَسِ صبحگاهووَه
محراب پاک عشقوه سَجّاده سَرمشم
اللر دعاده مشتری ام بیر نگاهووَه
ای نیزه لر مَسیحی منه نازی آز ایله
امرایله نقد جان گتوروم قتلگاهووَه
نالایقم، ئوزوم بیلورم بوسه ورماقا
خاک قُدوم اَقدس و کُنج کلاهووَه
سن ساربانی قُومادون آقا اولار مگر
باب وصال باغلانا، درویش راهووَه
گرچه پَر مَلَک سئوپورر آستانه وی
یول ویر اسیر عشقوی ده بارگاهووَه
ایکاش آقا حیاتیم اولیدی بلا گونی
حُرّ و حبیب تک قوشولیدوم سپاهووَه
- پنج شنبه
- 9
- بهمن
- 1399
- ساعت
- 23:22
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه