ای شـه درد آشنا - یا حسن العسکری
دردلره سن وئر دوا - یا حسن العسکری
مفخـر آل عبـا - یا حسن العسکری
قلبیللـره وئر صفا - یا حسن العسکری
قسمت اِلـه کربـلا - یا حسن العسکری
یـازدیغیجـا آدیـوی اَلـده قلـم شور آلیر
کیـم چاغیـرور آدیوی عشق الیو زور آلیر
آدیـوی اُپسـه شفـا گـوزلرینـه کُور آلیر
گویده کی آی همده گون سنن آقا نور آلیر
عالمه سن سن آقا - یا حسن العسکری
ای شه جـود و کرم – پادشه ذوالکرم
سهلیـدی سن خـادم درگهیوه نوکرم
سن بول آنان فاطمه نوکریوه قیل کرم
هـم ئـوزوه نوکـرم ؛ نوکـریوه چاکرم
نوکریوه قیل عطا - یا حسن العسکری
قبریوون عشقینـده بو غملی اورکللر اَسر
جذبـة عشقـون ائـدر یـاره لی قلبه اَسر
حُسـن کمالاتیـوی گـر دئسه لر مختصر
بارماقی کی سهلیدی باشینی یوسف کسر
سن هارا یوسف هارا - یا حسن العسکری
معـدن ایمـانی سن - معنـی قرانی سن
دردی اولان بی کسیـن سـن آقـا درمانی سن
قـوی سـوزی واضـح دئییم جنته ریحانی سن
یوخدی تایون چونکی سن فاطمنون جانی سن
آدیوه جانلار فـدا - یا حسن العسکری
ظلم وشقاوت سنون حقیوه وار یوخ اولوب
صبـر و کمالیـن ولی دشمنـه پاسخ اولوب
گرچـه اَزلـدن آدون دشمنیـوه اوخ اولوب
سامـرده قبـریوه ظلـم الین چـوخ اولوب
چوخ الیوبللر جفا - یا حسن العسکری
دللری مستـور ائدوب بو علـوی سرمدون
دست یهودیّتـه گرچـه دوشـوب مرقدون
دوزدی یوخوندی الان زائر و رفت آمادون
داعـش و وهابیلـر گرچـه وئرور گنبدون
مهدی آلار خون بها - یا حسن العسکری
- پنج شنبه
- 9
- بهمن
- 1399
- ساعت
- 23:46
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه