مـوذن زاده اي مرثيـه جـاني
حسينون نوحه خوان قهرمـاني
مـوذن زاده سلطـان اَذانـدي
مِداحت روحيبنـه مانند جاندي
اگر چه آيريلوبدي بيزدن ايندي
مـوذن زاده فَخـر المادحيندي
آلاردي نوحه لر جان نغمه سينن
اولوب سرمست هامي زيبا سَسينن
شجاعت نامه لر تا كياوخوردي
شجاعت اگينه كوينك توخوردي
اِليكي شاه مردانان اوخوردي
بولردي هامي كي جانّان اوخوردي
رقيه آدينه طوفان ائدردي
ملكلر ديده سين گريان ائدردي
نه لر آيا دئييم اُول نغمه لردن
حسينه انگليسي نوحه لردن
سِگاهين؛حجازي نغمه سينن
سَليمون اكبره باخ نوحه سينن
نه لر آيا دئييم تاب و تبينن
نـوايِ نـابِ زينب زينبينن
دينده زينبه نوحه شاخاردي
جهاني يانديريب هَمدهَ ياخاردي
خلاصه زينبون ديوانه سيدي
رقيه شمعينون پروانه سيدي
دئمه دنيا اونا مَحبس دگولدي
اونون زيباليغي تك سَس دگولدي
سليم اولدي سلیم چون عاشيقيدي
مِداحت عرصه سينده لايقيدي
سَليميدي ؛ ريادن چون بَريدي
وجودي ، جسمي ؛ روحي حيدريدي
اونون مداحي اولموشدي اسيري
موذن زاده نين گلمز نظيري
اگرچه داي سليم تكرار اولماز
او داوودي سَسي انکار اولماز
وليكن بير گلستاندي بو مكتب
بو باغين باغباني شخص زينب
بو گلشنده سليمده بير گُليدي
خانيم زينب بَينموش بُلبُليدي
سليم تك دوزدي كي بير گل تاپولماز
وليكن بير گُلينَن باغ سولماز
سليم تك لاله داي بو باغدا يوخدي
ولي بو باغدا آيري لاله چوخدي
سليمي دوزدي كي زينب آپاردي
وليكن هر گلون بير عطري واردي
پريشان قويما سوز اگري توخونسون
سليمون حقينه ياسين اوخونسون
- جمعه
- 10
- بهمن
- 1399
- ساعت
- 16:52
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه