ائدوبسن ديدمي گريان–ننم لايلاي ننم لايلاي
او زيبا آديـوه قربان - ننم لايلاي ننم لايلاي
مروت سز جهان مادر سنه اولموشدي چون محبس
ئولوم زنگين اودی چالدون،دئدون دنيا منه داي بس
اقـلا گـل اوزون اينـدي بـو يورقون نالمه وئر سس
گلـن يـولاروه قـربان- ننـم لايلاي ننـم لايلاي
او زيبا قلبيوي مادر بيزه خاطـر سن اينجيدون
نجه يالقوزلادون آخر بيزي آتدون هارا گئدون
فراقـونده يانان قلبي عجيبه لختـه قان ائدون
اولوبدور سينه ميز سوزان-ننم لايلاي ننم لايلاي
قولاغيمـه سسـون اينـدي گلور بو غصلي ائودن
اگـر چه آيريليب گِئـدن يوخـوما گل ولي هردن
اوشاخليخ مثلي مادر جان گينه بو آديمي سسلن
ديـوم منده سنه هي جان - ننم لايلاي ننم لايلاي
- جمعه
- 10
- بهمن
- 1399
- ساعت
- 17:1
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه