اولوبدور اون بیریمجی ماه رخشان
به لطف و رحمتِ خالق درخشان
ائـدوبـدور نـوریله روشن جهانی
سُویوندوردی وجـودی عرشیانی
بـو نـور تـازه دلبنـد علـی دور
قرانلیـخ یـولدا مـاه منجلی دور
علینـون صُلب پاکینـن گلـن گُل
اولـوبـدور گلشـن زهـرایه بلبل
ملائک گـور نجه گلمیشلـه شوره
گلـوبدور گوئیـا موسـاده تـوره
صفـالی ایلیوب اولـدوزلار عَرشی
چراغان ایلیوبللر عَرش و فرشی
فَرَحلَنمیـش بو بایرامدا اورکللر
مـلائـک سسلنـور اللـه اکبـر
هامی سسلورگلن مولود کیمدور؟
نه دور آدی گلِ مسعود کیمدور؟
مـلائک لر نیـه دیـوانه اولموش
نیـه جانـلار اونا پروانه اولموش
بو کیمدور قدسیانی شوره گتدی
پیمبـردی مگر بو سوره گتدی
بو کیمدور آل طاها مِثلی شسلی
دئیون آدی نَدی کیمنن دی نسلی
بو نـور تازه جـان دور هـر دیاره
بو گون دور یا کی آی دور یا ستاره؟
اُولا اَحسن بئلـه بیـرنـاز شستَ
سالوب نوری جهانی چِفت و بستَ
ملک دور یا بَشَر ؟ کَیفَ بَشَردور؟
یوزونن گورسنور نسل شَجَر دور
یوزی گونن گوزل چَشمانی آی دور
بو کیمدور حضرت طاهایه تای دور
نِدا گلـدی گـلِ پیغمبـری دور
گوزل آدی حسن دی ؛عسگری دور
عـزیـز جـان زهـرا و علی دور
محبـت کهکشانیـن مشعلی دور
پیمبـر باغینـه بو گل ثمـردی
کی مهدییه بو گـون روز پدر دی
- جمعه
- 10
- بهمن
- 1399
- ساعت
- 17:9
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه