ای شیعـه حیـدر بو سـوزه دقتون اولسون
دشمنلریمیز چوخدی بیر آز هِمتون اولسون
سـوستالمـا سنـی فاطمه جدّیّتون اولسون
دشمنلره وئرمه من ئولوم عرصده فرصت
تا سـالمیـالار دیـنِ شـریفِ حقه بدعت
آلام بـو سـوزه مهـدی زهـرادن اجـازه
هر گون گوروسن کشف اولونور بدعت تازه
تحقیـریلـه دائـم بـاخـولور دین و نمازه
بولمم نیه بیر بیله عِناد اوسته دورولار
قـران اوخـویانلاره بئلـه طعنه وئرولار
تازه یئتیشـن عرصـۀ دورانه جوانلار
کُفر ایلیـوری ظاهری یزدانه جوانلار
هر دَنده اییـر باشینی شیطانه جوانلار
هر گون کی کچور یولارینی چوخ ایتیرولر
بـولمـوله ولـی شـاخـه ظلمـی بیتورولر
بیر مـدت اله آیـری دوشور دین و قرانان
صونان باخـوری سینه وئرانلاره اوزاخدان
آخریده گورورسن چیخادوب اللهی یادان
اللهـی دانـان تابـع شیـطان اولاجاخدی
فعلاً کی یوخ ؛آخرده پشیمان اولاجاخدی
بیر گون گوروسن آیری مُدل باشی داراخلور
اسـلامی آتـوب جبهـه شیطانی سوراخلور
آخـرده دانـور اللهـی ؛ قـرانـی اَیـاخلور
آسوده اوتورما من ئولوم سینه وی سن یار
آند اولسـون حسینه بئله وضعیّتیمیز وار
وهـابیلـر ئوز پـرچمینـی عـرشـه اوجـالدیر
شیعـه بـالاسـی مهـدی زهـرانـی قـوجـالدیر
قیزلار اولوب اوغلان کیمی؛اوغلان توك اوزالدیر
واللـه بـو عمل ریشه اسلامه تَبَردی
اوغلانلارین آرایشی قیزداندا بَتَردی
قاش آلدوروراوغلانلاریمیز ؛ شیعه حیدر
بو سوزلر اینان سینه لری لخته قان اِیلر
قارداش بَزَنَن وقتیده گور خـواهری نِیلر
دوز شیعه اگر اولسا بویولاری گئدنمز
شیعه بالاسی مین قلم آرایش ائدنمز
قلاده سی بوینـوندا اولوب کوچه پَلاسی
جلوه الیور قیزکیمی دست بنده طلاسی
قاش آلدوروری فکر الیور واردی کِلاسی
خوش تیپ لیغی باخ گور نجه تفسیر الیولر
قـاره گییَنـی دائـمی تحقیـر الیـولر
یوخدور اولارا بیر دییَن ای خانه سی ویران
ای ظـاهر قیـز ؛ باطنی شایده کی اوغلان
عـازما یـولـووی شرم اله گل ایلمه طغیان
صحبت الیینـده نیـه تن نازی ائدورسن؟
هش بولموسن اما رَه عصیانی گئدورسن
قیزلار کیمی اوز صورتیـوه هر نَیی یاخما
قیز حلقه سینی سعی اله بارماقیوه تاخما
قاره گییـن اوغـلانلاره تحقیـریله باخما
فکـر ائتمـه بو قاره گئییننلر نه پلاسدی
آند اولسون حسینه بو قرا عِنده کلاسدی
هـر لقمـه ني آند اولسون حسينه یئمگ اولماز
هر بيـر زادي گـوز گورسه اوني ایستَمگ اولماز
قیـز تـک بَـزَنَـن اوغلانا اوغلان دئمگ اولماز
بو سینه وئرانلاره دئمه گور نه پلاسدی
بو قـاره گیینلـر اینان استاد ِ کلاسدی
دوز لقمه یییَن بیر بئله طغیان الییَنمز
آرایـش ائدوب دینینی ویران الییَنمز
توحین الیوب مهدینی گریان الییَنمز
باخ گور من ئولوم مهدییه بو ظلم روادی؟
شک ایلمـه توحین ائدنین اصلی زنادی
- جمعه
- 10
- بهمن
- 1399
- ساعت
- 19:42
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه