بَذَنــوب بـاغ جنـان گلـدي آقـالـر آقاسي
چون خدا وِئردي بوگون نَرجسهَ بير آي پاراسي
آي بوني گـورسه اوتانار
باشينا چـون آي دولانار
يوز نقابين رَدّ ائلـه سه
نورينـه گون دالدالانار
جان آقام - سنه قربان آقام - اي مَهِ تابان آقام
تضمین استاد منزوی
آلمـارام يوسفـي گرچه اوني دنيـا بَگنـوب
حُسني مشهوريدي صدقيله زليخـا بَگنـوب
او زليخـا بَگنَّنــدي سني زهـرا بَگنـوب
يوسفه سـرور سـن آقا
عالمـه رهبـر سـن آقا
فاطمه دردانه سي سن
جان پيغمبـر سـن آقا
جان آقام - سنه قربان آقام - اي مَهِ تابان آقام
رَگِ غيرتـده اولان قـان سَنيلـه تازه لَنَـر
دانيشان وقتيـده سن روح علي جِلوه لَنَـر
يِئـري سن مقدميـوه مـاه و ستـاره اَلَنَـر
سن عـزيـز زهرا سن
يِئر گويه سن مولاسن
حُسنيده يوسف قطره
مهديا سن درياسن
جان آقام - سنه قربان آقام - اي مَهِ تابان آقام
اَنبيـا دولتيـوي ؛ عشقـوي جوينـده ديلـر
قاپووا شاه و گِـدالـر هامـوسي بَنـده ديلـر
لطفـووه عالـم و آدم هامي شرمنـده ديلـر
باشيوه گَل بير دولانيم
آتـش عشقونده يانيم
گل ظهور ايله آقاجان
سايووه تـا دالدالانيم
جان آقام - سنه قربان آقام - اي مَهِ تابان آقام
- دوشنبه
- 13
- بهمن
- 1399
- ساعت
- 16:43
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه