گلون گلون حسین چیلر حسینون یاسی باشلاندی
گیوبـدور قـاره پیغمبر حسینون یاسی باشلاندی
محـرم گلـدی واویـلا
قرا گیی سسله یازهرا
بو اون گـونـده گلـر درده تمـام شیعلـر یکسر
باتوب چـون قانـه بـو آیدا ابوالفضل و علی اکبر
حسینون اللری اوسته وئروب جان صود امر اصغر
دئدی جان جان علی اصغر - حسینون یاسی باشلاندی
محـرم گلـدی واویـلا
قرا گیی سسله یازهرا
مین ایلدن چوخدی کی زهرا دیور نوحه سینه داغلور
همیشـه قاره اینینـده حسینـه یـاس توتوب آغلور
حسینـون قانلـی کوینگون الینده دم به دم ساخلور
دیور اُول بانوی اطهر - حسینون یاسی باشلاندی
محـرم گلـدی واویـلا
قرا گیی سسله یازهرا
سو ایچمـور آهـوان آغلـور یتیشدی چون نوا یولدان
خانیم زهرا توتوب ماتم کچوب عبـاسی ساغ سولدان
یتیـش فریـاده یا زهـرا سـوزور قان تپـراقا قولدان
ئولور عباس نام آور - حسینون یاسی باشلاندی
محـرم گلـدی واویـلا
قرا گیی سسله یازهرا
سو مشکین اوخلیوب دشمن گوزونن وئردیلار پیکان
اولـوب شـرمنـده عباسیـن بو حاله آغلادی میدان
گـوزونـن آخـدی قـان یـارب لباسین ایلدی الوان
لباسی قان اولوب یکسر - حسینون یاسی باشلاندی
محـرم گلـدی واویـلا
قرا گیی سسله یازهرا
- سه شنبه
- ۱۴
- بهمن
- ۱۳۹۹
- ساعت
- ۲۰:۱۶
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه