اکبریم جدیمون نشانی
یاتما آغلاتما قدسیانی
گوزلرین قانیله دولوبدی
قوی الیمنن سیلیم بو قانی
ای منی بی کس و آواره قویان
آچ گوزون یاتما علی اکبر اویان
بالام لایلای بالام لایلای
ای گوزوم نوری یاتما اوغلوم
آی کیمی بیله باتما اوغلوم
من سنی آتمادیم یارالی
شاهیوی سنده آتما اوغلوم
دشمنیم دورده گولور یاتما علی
دورحسینی بو قدری آغلاتما علی
بالام لایلای بالام لایلای
آچ گوزون گور نه یالقیزام من
دشمن ایچره آدامسیزام من
اکبریم یاتما قان ایچینده
دور اوغول کی اوغولسیزام من
دور اوغول عرصده بئله آتما منی
آچ گوزون ای جوانیم آغلاتما منی
بالام لایلای بالام لایلای
ای امید و پناهیم الله
قوزانوب عرشه آهیم الله
دوغرانوب ظلمیله جوانیم
رحم اله قبله گاهیم الله
پیکریم عرصه گاهیده اخلادیلار
جدیمه بنذر اوغلومی دوغرادیلار
بالام لایلای بالام لایلای
اوخ یاراسی سنی یوروبدی
گلشنیم گور نجه سولوبدی
باشیوه کیم وئریبدی یاره
گوزلرون قانیله دولوبدی
سنه باخدیخجا اوغول وای دییرم
دوغرانان جیسمیوه لایلای دییرم
بالام لایلای بالام لایلای
قلبیمون بندینی قیریبلار
شیشه جانی سیندیریبلار
نه بهانیله اکبر اوغلوم
جسمیوه سایسیز اوخ وئریبلار
یاره للر سینمی القان الدی
لیلینی دائمی گریان الدی
بالام لایلای بالام لایلای
- سه شنبه
- 14
- بهمن
- 1399
- ساعت
- 20:20
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه