اليمون عصاسي اكبر
گوزومون ضياسي اکبر
بئله ياتما تپراق اوسته
آديـوون فـداسي اكبر
گوزون آچ حسينه سس وئر باشيما بلا النميش
يارالار ستاره مثلي سينون اوسته جلوه لنميش
باشيـوا وئريبـلا ياره قاني گور نه لخته لنميش
آتامـي سالـوبدي يـاده باشيـون ياراسي اكبر
نيه تئز يتيشدي بيله عمـروون زوالي اوغلوم
جانيما سالوبدي شعله باشي اي بـلالي اوغلوم
گوزون آچ آماندي ياتما ؛ ئولورم يارالي اوغلوم
گئدوب الدن ايندي والله ديزيمون قواسي اكبر
نيه شام و كوفـه اهلي سنـه بو حالا سالوبلار
سنـي دوغريوبلا اكبر نجه صبريمـي آلوبلار
ال اياق چالاندا اوغلوم گولوشوبلر ال چالوبلار
قوشونون نه وار هراسي نه ده وار حياسي اكبر
او زمان كي گوردوم اوغلوم قوشون اوستوه الندي
باشين اوسته من گلينجه اورگين قيريلدي بندي
ديزيمون قواسـي گئتدی باشيوا قليش كي اندي
بو يارالي باشين اولماز داخي داي دواسي اكبر
بئلـه بـاغ با صفـايه نيـه بـاد صـرصـر اسدي
سنی دوغریوبدی لشكر بو اميدی ياسه کَسدی
بئله تپراق اوسته اسمه اورگيم آليشدي بسدي
گتيـريب جهــانی درده اورگيـم نواسي اكبر
او قــدر وئـربـلا يـاره سنـي ايلوبلـه خستـه
گـوزون آچ يارالي اوغلـوم بئله ياتما تپراق اوسته
اله بول ياغوبدي پيكان سينون اوسته دسته دسته
چوخالوبدي دينه خاطر ئولومون بهاسي اكبر
گـل عمـروی نـه فـوری بئلـه كـربـلاده دردين
منـی بو بـلا چولونـده گتيـروبـدی درده دردين
سينمه نه گلدي جسمون بئله تپراق اوسته سردين
نيه جسميوون اولوبدی بو قدر ياراسي اكبر
- سه شنبه
- 14
- بهمن
- 1399
- ساعت
- 20:22
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه