سیمـرغی مگـس دالدالیوب جانین آلانماز
سیمرغ اوچان یئرده مگس هِش اوجالانماز
واضحدی مگس چَنگینه سیمرغی سالانماز
سیمـرغ حسینم قانادیم شَـع شَعهَ مثلی
اطرافیمی سیز گورنه آلوبسوز پَشه مثلی
باک ایلمـرم مین بئله اهریمنیم اولسا
شاهیم منه بسدی نقدر دشمنیم اولسا
عرش و فلک و عالم امکان منیم اولسا
شهـزاده رقیَمـدی اونـون چـاکریم من
شاهیمـدی حسیـن ابن علی نوکریم من
سر رشتة بیـدادی بو گـون قیرماسام اولماز
من نهـر فرات اوستـه علم وئرماسام اولماز
سعد اوغلونی میدانیده سیندیرماسام اولماز
لحظه سایرام تا کی او فرصت اله گلسین
سعد اوغلی اگر گلمسه ده حرمله گلسین
میـدانـدا رجـزلـر اوخیـدی اُول یَلِ بارز
عیب اتمه دئسم قورخی اولوب لشکره عارز
گلسین قوشونوزدان دئدی هر کیمیدی مبارز
بو لشکـره تکلیفینی بـولدورمَسم اولماز
بیـر ظربتیلـه مُنقذی ئولدورمَسم اولماز
جان لاله سینی گلشن عشقیمده بیتورم
امر ائدسه امامیـم ئوزومی نهـره یتورم
نهری آلارام شُمـری قولی باغلی گتورم
عبـاس سـوزونده بولوسوز کی یالان اولماز
توتسام یاخاسین شمری الیمنن آلان اولماز
زهـر اولسا شکـرلر شکـم سیره نه فرقی؟
سینه داغیدا ، باش یارا ، شمشیره نه فرقی؟
میـن گلـه ی روبـاه اولا گـر شیـره نه فرقی؟
اِذنیـم اولا گـر قهـر و غضبـدن اَسرم من
بیر حَمله ائدوب نسلوزی یئردن کسرم من
میـدانی وئروب بیـر بیرینـه سو یولون آشدی
دولدوردی سو مشکین غضب و غیرتی داشدی
لشکـرده دوشـوب ولـوله یـارب قاچاقاشدی
هر کیـم یولی اوسته دایانیر عالمی داغلور
تپراقه دوشور پیکری ، نعشین آت اَیاخلور
- سه شنبه
- 14
- بهمن
- 1399
- ساعت
- 20:32
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه