گل ای لعل لبی سیراب ایدن لعل بدخشانی
گل ای ترسیم ایدن جمالی بی بدل مانی
گل ای پیغمبر رحمت آدیله آدلانان مولا
سنی زهرا آنان بیزدن قبول ایت بو تمنانی
حجاب غیبتی بیر لحظه مه یوزدن کنار ایله
جمالون جلوه سی شرمنده ایتسین مهر رخشانی
مریض عشقه لازمدور طبیبین آختاروب تاپسون
دیسون اوز دردینی آلسون او درد عشقه درمانی
گلوبلر منتظرلر جانه گل ای یوسف زهرا
جمالون جلوه سی شرمنده ایتسین مهر رخشانی
آنان یابن الحسن گتدی شهیده دار دنیادن
فراقینده عزادار ایتدی بیر آزاده انسانی
کنار قبریدن دوردی علی باخدی سلام ائتدی
ولی رد جوابه اولمادی زهرانون امکانی
اورکلندی ددی سنسیز داخی یوخ خیر دنیاده
اولیدیم کاش بو مرگین حیاته واردی رجحانی
ددی درد دلین آِریلید قبر پاک زهرادن
قیام قائمه قالدی بساط عدل دیوانی
گلوبلر منتظرلر جانه گل ای یوسف زهرا
نشان وئرمه یوزون دوشسون محاقه ماه کنعانی
حیات تازه ایستیر پیکر فرسوده اسلام
گل ای اعجازیله عاجز قویان مین لر مسیحانی
امام دادپرور،دادگستر،دادگر تئز گل
بو پر آشوب دنیانی دوتوب امواج ظلمانی
طریق رشده ارشاد ایتماقا خلقی ضلالتدن
نشان ویر اوز رشیده طلعتوندن بیر تجلانی
هامی مظلوم اولنلردن جهاندا وارث دم سن
خصوصا یرده گل قویما قالا اوز جدیوین قانی
گل ای روزی خور یمن عطاسی مومن و کافر
گل ای مرزوق احسان و نوالی عالی و دانی
گل ای شمشیر بران عدالت انتقامین آل
قویوب تیغوند خالق التیام صدر زهرانی
قیام ایت ای قیام قامتی رشک قد طوبی
خرامون ساخلاسین رفتاردن سرو خرامانی
اهل دنیانون امام عصریدور (خوندل)
اماندی چنگ وور قویما گیده الدن او دامانی
دوشنده مشکله خلوتده سسله یا اباصالح
ولی الله دور هر مشکلن وار اوندا آسانی
- چهارشنبه
- 15
- بهمن
- 1399
- ساعت
- 22:1
- نوشته شده توسط
- یوسف اکبری
- شاعر:
-
حاج حیدر خوندل
ارسال دیدگاه