مژده وئر اهل جنانه جَنتین آقاسی گلدی
عیدیانه آل علیدن فاطمه بالاسی گلدی
گلدی شفیع عقبا
گلدی عزیز زهرا
دیل آشمامیشدان اولدی
یکسر جهانه مولا
صد مرحبا حسین جان
نور چشمانِ علی دور مفخر سینه‌ی طاها
گلمیوب گلمز نظیری صود وئروب چون اونا زهرا
مستِ عشقی دور اورک‌لر فرش مقدمی فلک‌لر
حوری‌لر سالدی اوزَریک قاداسین آلدی ملک‌لر
عالم حسینه قربان
آدم حسینه قربان
زهرا و مرتضی و
خاتم حسینه قربان
صد مرحبا حسین جان
نَقَدَر گوزلدی آدی سسلرم آدینی هر دَم
قاشلاری مَروه صفادی،گوزی مشعر لبی زمزم
نَدی مَروه کربلاسی مَرویه صفا وئروبدی
مدفنِ قبله نماسی کعبه‌دن باشدی مُسلَم
سَعی و صفا و مَروه
قبله حسینه قربان
بیت‌الحرام و مشعر
کعبه حسینه قربان
صد مرحبا حسین جان
وار مَثَل بیر غنچه گُولنَن گلمیوب گلمز بهاران
ولی بیر گُولدی بو مولا عالمی ائتدی گلستان
صحبته تا کی دیل آشدی دل کهکشان دویوندی
سسلدی الله اکبر ذات بی همتا سویوندی
عرشه آدی بَزَکدی
عشقی اورکده حَکدی
الله بونی بگَنموش
الله مِثالی تکدی
صد مرحبا حسین جان
- شنبه
- 18
- بهمن
- 1399
- ساعت
- 19:32
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه