نئچه گون قالدی حسینون یاسی باشلانماقینا
سوسوز اَللرده ئولوب پیکری داشلانماقینا
نئچه گون قالدی چیخا گویلره آوای حسین
اوخلانوب مشکی خجالت قالا سقای حسین
آز قالیر غملی اورک‌لر سیخیلان لحظه‌لره
مرکب اوستوندن ابوالفضل یخیلان لحظه‌لره
نئچه گون قالدی کی زهرا باشینا قاره سالا
زینبون دوغرانا قارداشلاری آواره قالا
آز قالیر لیلیِ غم دیده گونی قاره اولا
اکبرین گُل بدنی ظلمیله صد پاره اولا
او قَدر یاره دَگه یکسره اعضا اُوزوله
بیر عبایه یغیلا تپراقا قانی سُوزوله
آز قالیر قاسمون اولدوز مَثَلی آخماقینا
نو عروسین اَلینه قانلی حنا یاخماقینا
نئچه گوندور کی ربابین گوزی قان یاش اَلیور
ائیلیوب اصغری تئز تئز بوغازین بوسه‌لیور
چونکی آز قالدی ربابین غمی چوخلانماقینا
تشنه‌لب صودامری قان ایچوب اوخلانماقینا
- یکشنبه
- 19
- بهمن
- 1399
- ساعت
- 22:25
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه