گلدی محرم گینه باشلاندی غم
بارشِ باران کمی داشلاندی غم
کوچه و بازاره عَلَم نصب اولوب
چوخلارینا معرکه‌ی کسب اولوب
شیعه گییَر اَینینه ئوز قاره‌سین
کَسمَسه پولسوزلوق اگر چاره‌سین
اولماسا شرمنده حسین‌چی اگر
وقت ائلسه مجلس یاسه گلر
گلسده فکر ائتمه فغان ایله‌سین
فکری قالوبدور صاباحی نیله‌سین
قویسا اگر سکه،قیزیل ،یا #دُلار
شیعه محرمده بولوت تک دولار
ملت ایران گینه دل داغلیور
دقتیله باخ ایکی یاس ساخلیور
جامعه‌نین حالینه قان آغلیور
قولسوز ابوالفضله عزا ساخلیور
چوخلاری بومَسلکه‌توهین ائدور
بولموریی اما رَه شیطان گئدور
یا کی بیلیر ملتی گمراه ائدور
مَکریله هیئتده یانور آه ائدور
آل وِئره دوندرمیشوخ حُریتی
ساتدوق حسینی هم حسینیّتی
مِهر و وفا ریشه‌سینی قیرموشوخ
فاطمنون قلبینی سیندیرموشوخ
چوخلاری شمریله شراکت ائدور
خون حسینیله تجارت ائدور
شیعه‌حسین قانینی ساتماز ولی
شیعه ئولر شاهینی آتماز ولی
چونکی‌حسین‌شَمس‌جهان‌تاب‌دی
هر ایکی دنیا بیزه ارباب‌دی
قسمت ائدر کرب و معلا حسین
هر کیم اورکدن چاغیرا یا حسین
- یکشنبه
- 19
- بهمن
- 1399
- ساعت
- 22:30
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه