یارب گلوب ماه عزا هریانه نصب اولدی علم
باشلاندی غم
زهرا دییر ای وای بالا یاندی اَلولاندی سینَم
باشلاندی غم
ای وای حسین ای وای حسین
زهرا دییر لایلای حسین لایلای حسین
بو آیدا یئر گوی کائنات شاه شهیدانه یانوب یاس ساخلار
سینه ووران ، قاره گییَن ئوز باشینه گوزیاشلی قاره باغلیار
اولسا اگر سو صحبتی اصغر دوشر یاده هامی دل داغلیار
باشه وورار ماتم دوتان‌چونکی یتیشدی ماه غم
باشلاندی غم
ای وای حسین ای وای حسین
زهرا دییر لایلای حسین لایلای حسین
تَل اوسته زینب تک باخوب یانام شهیدانین گئدن یولارینه
قلبیم یانار دوشسه گوزوم بیر سَرو قدین شَصتیلی خولارینه
هریاندا گورسَم بیر علم یانام علمدارین دوشن قولارینه
گوز یاشیله ذکر ایلَرم ای قولاری تَندَن قَلم
باشلاندی غم
ای وای حسین ای وای حسین
زهرا دییر لایلای حسین لایلای حسین
یانام او تل اوسته دوروب عطشان بالالارین آخان گوز یاشینه
قان آغلارام قولسوز علمدارین سو اوسته پارچالانمیش باشینه
گوز یاره‌لی باشی یارا عَلقم کنارینده چاتان پاداشینه
سقای دشت کربلا ووردی فرات اوسته عَلم
باشلاندی غم
ای وای حسین ای وای حسین
زهرا دییر لایلای حسین لایلای حسین
- یکشنبه
- 19
- بهمن
- 1399
- ساعت
- 22:31
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه