مستِ مستم حالیمی مستانه لردن آل خبر
مِـی ایچنده دردیمـی پیمانه لردن آل خبر
فرقتوندن اولموشام میخـاره لر مِثلـی دَلـی
بیر گون ئولسم‌نعشیمی‌میخانه لردن آل خبر
اولموشام‌شهر ودیاریمده‌غریب‌اوغلی غریب
ئوز دیـارینده ئـولـن بیگانه لردن آل خبر
ایله ویران اولموشام فرقت غمیندن ای نگار
چولده مَخروبه اولان ویرانه لردن آل خبر
عشقون‌ایلوبدی منی‌دیوانه‌لر سردسته سی
اِقتدا ایلوب منه دیوانه‌لردن لردن آل خبر
دیلده‌آدون‌فکر ائدورسن‌آز‌دولاندیم چوللری؟
خانه‌خانه،چول بَه چول،کاشانه‌لردن آل خبر
شعله‌ی عشقونده یاندیم گولدولر پروانه‌لر
من یـانان وقته گُولن پروانه لردن آل خبر
لااقل بیر دفعه‌گل سویله پریشان نیلسون
آز دئنن فرقت غمین فرزانه لردن آل خبر
- چهارشنبه
- 22
- بهمن
- 1399
- ساعت
- 14:53
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه