زینبَـم زیـنِ اَبـم حلقـه عشقیـن قاشیام
کربلانین بوتون عاشقلرینون من باشیام
زینبـم درگهیمـه فـوج مـلائک خَـدمـه
اَگمرم باشیمی حیدرکیمی ظلم و ستمه
زینبـم عالِمیـۀ دَهـرم و والا نسبَـم
افتخـار عَجمَـم ؛ دختــرِ فخــر عَـربـم
حق‌ائوینده‌یِکلوب‌حَق‌ائشیدوب‌حَق دئموشم
بولوسـوز نابغه ام فاطمـه دن صود یئمیشم
بولمَرم قورخی نَـدی زینبِ دشمن شِکنَـم
من زنا زاده لـرین نسلینـی یِـردن کَسنَـم
کـربلا نهضتینـون درده دُوزن افسـریـم
بیر بولوک‌عُورت اوشاقیله حسین لشکریم
قلبیمه تیـر غمی تاخمیـون ای کوفه‌لیلر
منه تحقیریله سیز باخمیون ای کوفه لیلر
من همان غملروزه دائمـی دل یاندیرانام
من‌همان‌سفره‌آچوب‌آجلاروزی‌دویدورانام
مـن همـان شير زنم فخر ائلیردوز ائلیمه
من همان سِیِده ام بوسه ووراردوز اَلیمه
قلبیمه‌نیسگل‌اولار بوسوزی‌واضح دئمیَم
مـن همـان زینـبِ والا نسـبِ هاشمیَم
من همـانم کی دَگَـر عالمـه اصل و نَسبیم
باعـث خلقـتِ عالم لـر اولـوب اُم و اَبیم
من‌همانم کی‌قاپوم‌سیزلریچون عَرشیدی
مـن همانم کی نَبی دوشی منـه فرشیدی
من همان شیرِ زنم كی‌دولاناردوز باشیمـا
جان‌فدائیدوز هاموز هم‌منه‌هم قارداشیما
تانیورسوز منی سیز‌حضرت‌طاهادی بابام
واردی‌فخریم‌کی‌ننم فاطمه ،حیدردی آتام
- چهارشنبه
- 22
- بهمن
- 1399
- ساعت
- 15:27
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه