برج شرفون اختر تابانی رقیه
گلزار حسینون گل ریحانی رقیه
اوچ یاشدا یتشدی بو خانم عالی مقامه
واضحدی یاز بلمز اونون مدحنی خامه
باخ عزته عمه سایلور سگیز امامه
ظاهرده اسیر اولدی اگر قوم ظلامه
قول باغلی سوزوم یوخ چگلوب بزمه عوامه
اچ گوزلروی مدعی باخ بوندا مرامه
بیل باغلادی اوز عمه سی تک دوردی قیامه
اوچ سنیده حمله ایلدی کوفه وشامه
سالدی اوز ایوینده بو خانم دشمنی دامه
ناکام ایلدی دشمنی چاتدی اوزی کامه
ایفا ایلدی ایتدیگی پیمانی رقیه
▪️?▪️?▪️?▪️
هر یرده اولوبدور بو خانم حقه طرفدار
جان الده اولوب دین حقه یارو هوا دار
یولاردا اولوبدور قوجالان عمیه دلدار
بیر گون دیدی اوز عمه سینه دیده سی خونبار
غم چگمه سنه غم گونی اولام بی بی غمخوار
لطف ایتسه خدا بختیم اگر اولسا منه یار
بو قاره لچگ لشگروه اولام علمدار
سن باخما بی بی غملر ایدوبدور منی بیمار
دین دشمننی ایلیرم درده گرفتار
جدیمدی منیم چونکه بی بی احمد مختار
ظلمه باشین اگمز نوه حیدر کرار
غفلت ایلمز دهریده بیر آنی رقیه
- چهارشنبه
- 22
- بهمن
- 1399
- ساعت
- 19:32
- نوشته شده توسط
- یوسف اکبری
- شاعر:
-
وهاب محمدی
ارسال دیدگاه