در آهنگ(یارا دلبر و دلدارا.....)
مولا
ای شَهِ دردانه
سن کیمی جانانه
اولموشام عشقوندن
بیر دَلی دیوانه
مولا
آند اُولا قرآنه
حضرتِ سبحانه
منده سنون اولدوم
شمعیوه پروانه
جانیم قربان
اورگونده آهیوه
منی چک پناهیوه
گوز آچاندان عاشقم
اوجا سَر سپاهیوه
جانیم قربان
او یارالی پیکره
سینون اوسته اصغره
جانیمیز فدا اُولا
اَیاق آتدا اکبره
آدی گوزل _تک به تک اولادی گوزل
هاشمیدور _ سر به سر اجدادی گوزل
_
سن سن
دلبریمیز سن سن
سروریمیز سن سن
هر ایکی دنیاده
رهبریمیز سن سن
والله
یاوریمیز سن سن
باوریمیز سن سن
بینِ حَق و باطل
داوریمیز سن سن
عشقون اولموش
بیزیم اعتباریمیز
عزت و وقاریمیز
قاپوون گدالیقی
اولوب افتخاریمیز
تا جانیم وار
چَکرم فراقیوی
گورَم اُول رواقیوی
نه اولار گوز اوستونه
قویاسان ایاقیوی
آدی گوزل _تک به تک اولادی گوزل
هاشمیدور _ سر به سر اجدادی گوزل
____
مولا
اکبریوه قربان
اصغریوه قربان
جانیم اوجا بُویلی
افسریوه قربان
عشقون
دیلده سرشتیمدی
دِیر و کِنشتیمدی
مدفنِ شش گوشون
باغِ بهشتیمدی
مولا سن سن
پادشاه ذوالکرم
ائله سائله کرم
آقا اوغلوسان آقا
سنه منده نوکرم
مولا مولا
منه بیر عطا ائله
دردیمه دوا ائله
کرمیله حاجتیم
آقا جان روا ائله
آدی گوزل _تک به تک اولادی گوزل
هاشمیدور _ سر به سر اجدادی گوزل
____
مولا
سرور عیسا سن
رهبر موسا سن
تاج سر خلقت
دلبر زهرا سن
والله
یر گویه سلطانسان
شاه شهیدانسان
یوخدی نظیرون چون
فاطمیه جانسان
مولا سن سن
یادگار مصطفی
نور چشم مرتضی
سرور اهل جنان
پادشاه کربلا
مولا مولا
حَرمونده وار گوزوم
علمونده وار گوزوم
سایوه سیخیلموشام
کرمونده وار گوزوم
آدی گوزل _ تک به تک اولادی گوزل
هاشمیدور _سر به سر اجدادی گوزل
- چهارشنبه
- 22
- بهمن
- 1399
- ساعت
- 19:48
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه