گلوب ماه شور و پُر از غَم
گینه اَسدی بو قاره پَرچم
گل آی سائل کوی ارباب
گینه گلدی ماه محرم
گلوب ماه جانان - گلوب ماه ایمان
به عشق شَهِ دین - دینن یاحسین جان۲
یا مولا - یابن الزهرا
بو آیدا گلر جوشه قانلار
ویرار سینیه نوجـوانلار
هامی اهل عالم نوالی
دیر یاحسین آسمانلار
دیَر پیر و بُرنا - دیَر کوه و صحرا
دیر اهل عالم – حسین یابن الزهرا۲
یا مولا - یابن الزهرا
مُحرمدی ماه شهادت
محرمدی عشق و شرافت
بو آی عاشقه ماه جاندور
محرمدی ماه زیارت
محرم عبادت - محرم سعادت
محرمدی ماهِ - سراسر شفاعت
یا مولا - یابن الزهرا
بو آی باشه بیز قاره سالّوخ
حسین سایه سینده دایانّوخ
بو آی کربلانین براتین
علمدار لشگردن آلّوخ
بو آی شور و احساس - بو آی عطری چون یاس
اورکلرده واردور - هامی عشق عباس۲
یا مولا - یابن الزهرا
حسین باغ جنَّت آقاسی
حسین شیعه لر مُقتداسی
حسین باغ عشقون صفاسی
جناندور گوزل کربلاسی
حسین سرو قامت - حسین کان غیرت
سراسر وجودی - پُر از نور رحمت
یا مولا - یابن الزهرا
حسین عزت و اعتباریم
حسیندور منیم شهریاریم
حسین معدن لُطف و رحمت
حسین هر زمان افتخاریم
حسین سروریمدی - حسین دلبریمدی
هر ایکی جهاندا - منیم رهبریمدی
یا مــولا - یابن الزهرا
منه عشقون اولدی فریضه
سنه یازدیم آقا عریضه
دیور «پوریا» صدق دیلدن
شفا ویر حسین جان مریضه
قسم جان زهرا - قسم جان مولا
نظر قیل حسین جان - گرفتاره آقا۲
یا مولا - یابن الزهرا
- چهارشنبه
- 22
- بهمن
- 1399
- ساعت
- 19:50
- نوشته شده توسط
- یوسف اکبری
- شاعر:
-
احمد پوریا
ارسال دیدگاه