منیم ای شان و وقاریم
منیم تنها شهریاریم
محرم گلدی هایاندا قالدون گل ای ایستکلی نگاریم
شها سن سن حارثِ عشق
یوبانما گل وارثِ عشق
حسینون ای قان آلان اوغلی گل قالوب یولدا چشم‌زاریم
هاردا قالوبسان گل
صبریم آلوبسان گل
درده سالوبسان گل
آقام
گینه جوشاندی قلم لر
گینه یاغدی غصه غم لر
غم و ماتم باشلانوبدی
آچیلدی قاره علم لر
شها تئز گل روضه خوان اُول جدون حسینه ماه محرم
حسینون دردینده آغلا
ابوالفضله سینه داغلا
علیِّ اصغر غمینده
یانوب باشه قاره باغلا
یاییلسین هر یانه مرثیه باشلیوبدور شاه محرم
هاردا قالوبسان گل
صبریم آلوبسان گل
درده سالوبسان گل
آقام
شیرین دیل لردن دِه نوحه
یانان تئل لردن دِه نوحه
ابوالفضلین ماتمینده
سینان بئل لردن دِه نوحه
دئنن مرثیه ابوالفضلین ئوز دیلیجه ای وای باشیم وای
یخیلدیم گل داده قارداش
گلن یوخ امداده قارداش
فغانیم عرشه اوجالدی
ئوزون گل فریاده قارداش
باشیم اللرده قالوبدی گل بیر دئنن ای وای قارداشیم وای
هاردا قالوبسان گل
صبریم آلوبسان گل
درده سالوبسان گل
آقام
برادر صبریم تالاندی
دَلیندی مشک سو جالاندی
ساغ اولسون باشون حسین جان
اگر باشیم پارچالاندی
دوشوب قولاریم گلن ووردی غم یئمه قارداش آز ملال ائت
بو خَلقه آدون اوخیموش
عجب بدخواهون چوخیموش
بئله فرض ایله حسین جان
ابوالفضلین هِش یوخیموش
سویاخاطر چوخ‌قُصوریم‌اولدی ابوالفضلی‌گل حلال ائت
هاردا قالوبسان گل
صبریم آلوبسان گل
درده سالوبسان گل
آقام
- چهارشنبه
- 22
- بهمن
- 1399
- ساعت
- 19:56
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه