ای نیـزده بـاشی مـهِ تـابـان منـه بیـر باخ
لیـلا یـارلی بـاشیـوه قـربان منـه بیـر باخ
علت نَـدی بیر بیله اولوبسان بالا صابر
صولدا باباوون باشیدی ساغونده مظاهر
لیـلایه اوغول رحم اله خاطر لره خاطر
دوزدور کی‌دونوب‌گردش‌دوران منه‌بیر باخ
واردور یئـری لیلا آلیشوب شیونه گلسین
یارب نه چتیندی بالا ئولسون ننه گلسین
قربانین‌اولوم دردون علیجان منه گلسین
یاندی‌اورگیم اولسا گر امکان منه بیر باخ
ییخدی منی اولدوز مَثلی آخماقوون اوغلوم
قلبه یارادی یاندیریب هم یاخماقوون اوغلوم
قویما اولا حسـرت ننوه باخماقون اوغلوم
دوران اولار اونـدا منـه زنـدان منـه بیـر باخ
دردونـده علی‌جـان ئـولنیجـن ملَرم من
گوز یاشیمی باران‌کیمی گوزدن الَرم من
باشـون هایانا گئـدسه دالونجا گلَرم من
هی سسلیرم جان بالا‌جان‌جان منـه بیر باخ
یئل زلفـووی هردم داریـور شانه مثالی
لیـلاده یـانیـر شمعیـوه پـروانه مثالی
عشقونده‌دوشوب چولره دیوانه مثالی
تـا اینکی دییـه یـوسف کنعان منـه بیـر باخ
یانموش‌دیلیمه‌کیپریگون‌اوخدور تاخیراوغلوم
قـربانیـن اولوم بـاخ منـه عَمون باخیر اوغلوم
خنجـر یاراسینـان گینـه ده قـان آخیر اوغلوم
یارون الیوب قلبیمی شان شان منـه بیـر باخ
سیندی‌اورگیم شیشه‌سی غم‌غصه داشینان
بولمـم نیـه اَل چکمـور عـدو قانلی باشینان
حسرتـده دی لیـلا باخـاسان نیـزه باشینان
ای یاره‌لی باش قلبیم‌اولوب قان منـه بیر باخ
سر نیزه باشون آلیشان قلبیمی سیخموش
آچ گـوزلریوی لیلـیَ باخ قلبی داریخموش
اَحسن سنه طاها اله بول منبره چیخموش
ای شبـه پیمبـر سنـه قربان منـه بیـر باخ
بو بـاشی منـه وئرسلـه من قدرینی بیلّم
گوزیاشلا یویوب زلفـوموله قانینی سیلّم
باخسان منه‌بولحظه ده ئولسمـده دیریلّم
من مُستحقم سن اله احسان منه بیـر باخ
بـاشـون یـارالانمـوش او زنـا زاده داشینان
باش قانی‌دولوب گوزلره شمشیری قاشینان
قورخوم‌بودی‌باشون دوشه سرنیزه باشینان
لیلانین ائدر گوز یاشین القان منـه بیر باخ
- چهارشنبه
- 22
- بهمن
- 1399
- ساعت
- 20:19
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه