چوخ با ادبدی زینب والا نسبدی زینب
چون منتسبدی زینب سلطان عشقه
میدانِ کربلاده درد و غم و بلاده
ووردی ئوزون حسین تک طوفان عشقه
طوفاندی زینب
اصلاندی زینب
منجی دین و
قرآندی زینب
___________________
گلشنده گلسِتاندا گللر ایچینده زینب
هم سرو و هم سنوبر هم یاسه بنذر
دُر نجف عیارین صراف‌لر بولنمز
چون پُر بهادی زینب الماسه بنذر
شان و شجاعتیندن جَهد و جسارتیندن
غیرتده منزلتده عباسه بنذر
ایماندی زینب
جاناندی زینب
آیوه جانیم
قرباندی زینب
____________________
روز ولادتیندن کِشدی فراغتیندن
دریای غمدی زینب الله اکبر
سائلدی درگهینده سلطانیلر گدالر
باب کرمدی زینب الله اکبر
اولسون قسم حسینه روح عربدی زینب
جان عَجَمدی زینب الله اکبر
استاد عرفان
محبوب یزادان
شیعه‌لر سنون
قبریوه قربان
___________________
کیمدی گُلِ رسالت شهزاده‌ی امامت
کیمدی مَه نجابت زینبدی زینب
جان شفیع امت دخت شه ولایت
کیمدی بهار خلقت زینبدی زینب
آئینه دار عفت مشتاقی اولدی غیرت
کیمدی هُمای رحمت زینبدی زینب
عزتدی زینب
رحمتدی زینب
باشدان ایاقه
غیرتدی زینب
___________________
دلردی مبتلاسی حجب و حیا گداسی
جان جهان آناسی محبوب یزدان
زیبا آناسی زهرا جَدِ شریفی طاها
اولموش آتاسی حیدر سلطان مردان
بیرقارداشی‌ابوالفضل‌بیرقارداشی‌حَسندی
بیر قارداشی حُسیندی شاه شهیدان
مستانه زینب
پروانه زینب
عشقوندن اولدوم
دیوانه زینب
- چهارشنبه
- 22
- بهمن
- 1399
- ساعت
- 21:59
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه