حَشریده حامی اولان حَیِ تبارکدور سنه
بو شهادت ای قَدر قدرت مبارکدور سنه
شیرتک قانه بویاندون تُولکولر اصلان اولوب
نیسگلونده اهل ایران یکسره گریان اولوب
سن کی گئتدون ، رهبر عشقی فراموش ایلدون
ملت ایرانی یاندیردون سیَه پوش ایلدون
کهکشانلار فَرشون اولدی،فتح ائدوبسن عرشی‌سن
آسمانیدون ولیکن مدفن ائتدون فرشی سن
عشقوی تایید ائدوب بانوی بی‌باک دمشق
خوش سنون احوالیوه اولدون شهید راه عشق
بیر نچه ائیل پاسبان اولدون مزار زینبه
نوکر اولدون نوکر و خدمتگذار زینبه
ئولمگن ای قهرمان باخ گور نجه غوغا ائدوب
بو شهادت نامَه‌وی زینب ئوزی امضا ائدوب
یوخ سوزوم کی آسمان عشقیده کوکب چی سن
وار یقینیم ای دلاور سن ئوزون زینب چی سن
قانه باتدون صبح روز حمعه ای نیکو مرام
باتدی یاسه نیسگلونده رهبر والامقام
تک نه ایران ملتین ، یاندیردی دردین عالمی
غملروندن یاده دوشدی کربلانین ماتمی
پیکرون اولدی مقطع قهرمان اکبر کیمی
تپراقا دوشدون کاَنه لاله‌ی پر پر کیمی
دادیوه گلدی یقینیم وار شه کرب و بلا
جسمیوی ییغدی عبایه خامص آل عبا
پیکرون اوستونده شاید بیر اوجالدی ناله‌سی
یادینه شاید حسینون دوشدی اکبر روضه‌سی
بولمورم شایدده آدون سسلیوب شاه جهان
گلموشم امدادیوه قاسم سلیمانی اویان
سن شهید غرق خون مکتب و قرآنی سن
قاسم آدلی قهرمانسان قاسمه قربانی سن
قاسمیم تک ای سَلحشوریم بیچیلدی پیکرون
دوغرانان عباس تک گور نه کیچیلدی پیکرون
- چهارشنبه
- 22
- بهمن
- 1399
- ساعت
- 22:1
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه