ای سپهبُد ، ای سپه سالار و ای سردار عشق
یاغدی هر لحظه دوداقوندن دُر شهوار عشق
سوزلرون گفتار عشق اولدی ئوزن پندار عشق
سن شرافت نامه‌ی عشاقی تفسیر ایلدون
دللری هم جانلاری عشقیله تسخیر ایلدون
تک نه بیز فخر ایلیر اولاد پیغمبر سنه
اورگدوب فتحُ الفتوحاتی شه خیبر سنه
پای وئروبدور غیرتی غیرتلی سرلشکر سنه
سن کلاس عشقه چکدون ،عشقه ناواردلری
دوزخه واصل ائدوبسن نوفل و ماردلری
پای وئروبدی ذات حق احساس نسلیندن سنی
گلسِتانه گل وئروبدور یاس نسلیندن سنی
وار یقینیم خلق ائدوب عباس نسلیندن سنی
دوزدی کی پرپر اولوبسان لاله‌لر تک یاس تک
چوخ امان‌نامه جیروبسان سرورین عباس تک
آخ نجه عباسی ووردی غفلتاً قوم عَنود
ایله حالتده شهید ائتدی سنی ناکس یهود
یاندی رهبر،گولدی اما سگ‌صفت آل سعود
آند اولا سید علینون قان اولان گوزیاشینه
موشک و خمپاره یاغدوروخ سعودین باشینه
حیف اولا گئتدون مزاره لاله‌ی پر پر کیمی
حیف اولا دوغراندی جسمون قهرمان اکبر کیمی
حیف اولا غربتده ئولدون شاه بی یاور کیمی
سانما ایران اهلی گوزیاشین عزاره توکمدی
جسمیوی اکبر کیمی بیر کس عبایه بوکمدی
- چهارشنبه
- 22
- بهمن
- 1399
- ساعت
- 22:5
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه