آه او ساعتدن او چولده شعله چکدی خیمه لر
آشکار اولدی یکایک کینهٔ دیرینه لر
محشر عظما یارتدی او یانیخلی سینه لر
گه ویروب اطفالی٬گاهی خیمه گاهی سویدولار
گاه آت اویناتدولار٬گه تازیانه ویردولار
آغلادی اطفال شاهین حالینه بیگانه لر
مست اولوب بو جور و ظلمدن دیوانه لر
بیربه بیر خاکستر اولپی فاطمی کاشانه لر
شرمیدن باتدی او آخشام گویلرون اولدوزلاری
نصف شب قالموشدی آواره حسینون قیزلاری
تارمار ائتدی شهیدان جسمینی سمّ سمند
قاسمین اعضاسی آیریلدی بدندن بندبند
ال باشیندا زینب کبریٰ چکوب آه بلند
گه باخیردی قیزلارا گه دوره یه گه بختینه
گه خدادن صبر ایستیردی بو وضع سختینه
- جمعه
- 24
- بهمن
- 1399
- ساعت
- 19:51
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه