آخور فرات سویون،بیحساب هریانه
حسین بالالاری العطش دئور یانایانه
سنین سویوندان اولور وحوش دد هامی سیراب
بو کربلاده اولوبدور حسینه قحطی آب
آنام‌بتوله سنی مهر یازدی پیغمبر
سنون یانیندا سوسوز دوغرانوب علی اکبر
دگول بو رسم وفا ائتموسن بیزی بیتاب
علی یانیردی عطشدن چکیردی ضجّه رباب
سو ایستدیم بالاما او طفلی اوخلادولار
گوزوم باخاباخا قاسم بالامی دوغرادولار
سو ایچمرَم که سوسوز دوغرانام منِ مضطر
گوره نه چکدی علی آلی تا دم محشر
منی شهید ائدلله اوشاقلار اوللالا اسیر
یازار بو غم مصیبتنی دفتره اؤلونجه فقیر
- جمعه
- 24
- بهمن
- 1399
- ساعت
- 19:58
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه