آچ گوزون گلدیم یارالی،قانلی رخسارون فداسی
باش باشا جسمین یارادی،وار گوزونده اوخ یاراسی
ساغ گوزوندن قان سوزور،نه آغی واردی نه قراسی
گوزده گوزلیک قالمیوبدی آند اولا سبحانه قارداش
اوندا کی بیرحم عربلر نعشیوی آلدی آرایه
تیر باران اولدی جسمین،ائتمه دین هرگز گلایه
دوزمه دیم چارم کسیلدی،گلدیم ای قارداش هرایه
لطف ائیله دیندیر حسینی،گلموشم من جانه قارداش
اونداکی آهن عمودیله باشین اولدی شکسته
دوره وی آلدی اراذل الده خنجر،دسته دسته
منده گلدیم بو سینان بئلنن برادر باشین اوسته
افتخار ائتدوم بو چولده محضر جانانه قارداش
سن قوجالتدون آی ابوالفضل ظهر عاشورا امامی
دولدوروب اطفال عطشان سر ب سر دور خیامی
گوزلوری لب تشنه قیزلار ناگران،الده سو جامی
یوخ جوابیم خیملرده،اصغر گریانه قارداش
دورماسان قارداش بو چولده بیلدوگین اعدا ائللر
شهریار کربلانین باشینی دالدان کسللر
زینبون قالسا کمکسیز،شامه جان یولدا دوگللر
خیمه ده گلموش رقیّه،ناله و افغانه قارداش
- پنج شنبه
- 30
- بهمن
- 1399
- ساعت
- 12:34
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه