قرةالعین علی،تاج شرافت عباس
مظهر جود و سخا فوق شهامت عباس
یَل و ارتشبد گردان امامت عباس
مہ تابنده ی اسپهر ولایت عباس
شرف و عزت و غیرتده،قیامت عباس
آپاروب حلم و مروّت پاینی طاهادن
اورگنوب فنِّ شجاعت آتاسی مولادن
عشق درسینده آلوب نمره ی صد زهرادن
نقدر وصف ائلسم من شرفِ سقادن
یازدیقیم قطره دی، دریای شرافت عباس
مرد میدان عمل عرصه ی هیجاده دلیر
ائله تربیّت اولوب،بولمه دی هئچ قورخی نَدیر
یوخ علیدن صورا عباسه شجاعتده نظیر
اونی زینب بیزه تعریف ائلیوب کیمدی «فقیر»
پاسبان حرم آل طهارت عباس
اگلشوب زین عقاب اوسته یَل کرب وبلا
ائله بیل قلّه ی قاف اوسته دی سیمرغ وفا
گوییا عازم معراجیدی طاها،عجبا
عرشیدن فرشه تماشایه گلوب اهل سما
گوره لر نیلیه جاخ،ساقی عترت عباس
لشگر کفره مقابل دایانوب شیر ولا
مثل گهواره دوشوب لرزه یه میدان بلا
جنگ صفّینی گورنلر،دیدی یاللعجبا
کیمیدی بو،سید بطحادی و یا شیرخدا؟
یا اُحد حمزه سیدی؟پیر شجاعت عباس
دیدی ای کوفه لیلر زاده ی شاه نجفم
سیز نه سیز؟ نفسیمیله دشت بلاده طرفم
صد قسم بر شرف و عزت و راه و هدفم
نکنم پشت به دشمن که سراپا شرفم
شیر حق خورده شده شیر ولایت عباس
من ابوالفضلم علی درس شرف داده مرا
ساخته پرداخته کرده یل آزاده مرا
فاطمه امّ بنین مام حیا زاده مرا
زین اب برج ادب نان و نمک داده مرا
شده سردار شرف،کوه صلابت عباس
دیدی ای کوفه لیلر باغِ حقه یاس منم
فارس جنگ و جدالم،شرف النّاس منم
زینبون آدینه جنّتده حسّاس منم
عترت فاطمه نون نوکری عباس منم
آل طاهادن ائدوب کسب شرافت عباس
دیلده یا فاطمه یورش آپاروب میدانه
ذوالفقار الده سالوب هلهله ی جانانه
بیر به بیر قیردی سپاه ظُلَمی مردانه
باش دوشور بیر طرفه قولدی سالور بیر یانه
میمنه میسَریه سالدی قیامت عباس
- یکشنبه
- 3
- اسفند
- 1399
- ساعت
- 22:29
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه