منجی مصحف اسلام و یَلِ شیرخدا
زاده ی حضرت زهرا،شرف آلعبا
سید و سرور اشباب جنان،بدر دجا
اوزی تندیس شرف،عالم امکان گوزلی
رهبر هسته ی هستی دور،حسین بن علی
امر ائدوب دینون ائوین،دهریده تبعیض یخار
اولماسا عدل و عدالت،ستم افلاکه چیخار
فقرا حسرتیله،گوزلری نامرده باخار
کیم دئیوب دهریده،بیر عده نی برده ساتالار
بعضیلر صبحه کیمی تخت طلاده یاتالار؟
حاکم اوّلده گرک حقّی رعایت ائلیه
عدل و انصافی گرک سر خط دولت ائلیه
نه کی اموال یتیمانی ده غارت ائلیه
فقرانی اَزه ایولرده ائده زندانی
دورسینده دوتا هر شام و سحر مهمانی
علناً گوردی بو تبعیضی وفادار اوغلی
ظلم ائدیر ملّت مظلومه جگرخوار اوغلی
کمرِ همّتی باغلوب بِله،کرّار اوغلی
باشینه یغدی هامی،عاشق و دلداده لری
آقا محکوم ایلیوبدور،اُموی زاده لری
یاریدا حجّی قویوب،کعبه ی آمال جهان
مکه یِ عشقه روان اولدی گجه،شاه جنان
اُموی زاده لر اولدی بو خبردن نگران
فاطمه اوغلوی اوگون ترک ائلدی بطحانی
آخرین دفعه گئدوب بیرده گوره زهرانی
لرزه یه دوشدی بو اسناده یزیدون بدنی
حُکم قتلِ او شهنشاهی یازوبدور علنی
منتشر اولدی او اخبار سگِ پست و دنی
یا گرک بیعتی قبول ایلیوب بلی،دِئیه
یا گرک باشینی،لاٰ سوئلسه،شمشیره وئره
سفره حاضر اولوب نیمه ی شب اهل حرم
میندیروب ناقه یه اطفالی او دریای کرم
سینه یه حائل ائدوب مشکی،الینده بیر علم
یثربی ترک ایلیوب کرببلانون حاجیسی
گوردی نازیله مینیر ناقه یه،زینب باجیسی
- یکشنبه
- 3
- اسفند
- 1399
- ساعت
- 22:44
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه