تا خیمه‌گاهه گَتدی شه اکبری عباده
فریاد و آه و شیون قوزاندی نُه سماده
واضحدی بو مصیبت یوخ عالم تخیّل
الله بولور نه نوعی لیلا ائدوب تحمّل
نعشین عباده گوردی،روحی تاپوب تحوّل
قربان کیمی بولوبلر صحرایِ نینواده
آلدی بَنات طاها دور و بر خیامی
لیلا گوروب نه حاله دوشموش او دم امامی
روحی چیخور بدندن یوخ قدرتِ قیامی
غرق خیال اولوبدی دریای کربلاده
درک ائتدی امّ‌ماتم بیر گوشه‌ده اخاسین
عرض ائتدی گئت خیامه،ای داغدار یاسین
قوی عاشقانه لیلا بیر اوخشاسین بالاسین
لیلا چیخوب اوزوندن بو حال و بو هواده
پایین پاده لیلا اگلشدی زار و محزون
چوندی ورق بو چولده،لیلا اولوبدی مجنون
اوپدی ایاقلاروننان،زهرا اولوبدی مغمون
کرّوبیان نوایه گلدی بو ابتلاده
قانیله غوطه‌وردی لعل لبین دوداقین
لیلانی اؤلدورر بو اندوه و بو فراقین
یثربده قالدی خالی،گوللر ساچان اتاقین
یوخدور صفای هجران نه مشعر و مناده
نصف ایلیوبدی باشین گور نه قلیچ یاراسی
سینه‌ننده گول آچوبدور نظمیله اوخ یاراسی
لیلا نه چکدی آنللار اؤلسه کیمین بالاسی
من تک بلالی یوخدور دنیای بی وفاده
- دوشنبه
- 4
- اسفند
- 1399
- ساعت
- 23:7
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه